21 ملیار دینار.. پلانیگ ئەرا کۆنترۆلکردن رخداریەیل "ری مەرگ" ناوەین دیالە سلێمانی
شەفەق نیوز/ قائیمقام قەزای خانەقین لە دیالە، جواد فەیزوڵا، ئمڕوو پەنجشەممە، ئاشکرایکرد حکومەت پلان دیرێد ئەرا کۆنترۆلکردن رخداریەیل "ری مەرگ" ناوەینی وەرد پاریزگای سلێمانی.
فەیزوڵا وە ئاژانس شەفەق نیوز وت، "ری خانەقین ـ کەلار کە پارێزگای سلێمانی و دیالە وەیەکەو بەسێد، وە یەکیگ لە رخدارترین ریەیل دانرێد رووژانە کارساتەیل هاتوچوی روی دەێد کە بوودە مدوو مردن و زەخمداری شمارەیگ کەس وەی مدووە لە شارەگە ئوشرێدەپێ ری مەرگ چوینکە ری هاتن و چگن تەنیا لەبان یەک ساێدە.
وتیش "لایەنەیل حکومی پلانیگ دانانە ئارا کۆنترۆلکردن رخداریەیل ریەگە لەری دروسکردن رییگ وە ئاراستەی نوو و خاسەوکردن ئەوەگ هەس" وتیش "رێکارەیل کلکردن پرۆژەگە و دەسکردن وە جیوەجیکردنی رەسیەس قۆناغەیل پیشکەفتی لە وزارەت بیناسازی و نیشتەجیبوین وە بڕ 21 ملیار دینار وە درویژی 30-35 كم".
دیاریکرد، "ئەوزەڵداین و خاسەوکردن ریەگە کاریگەری ئەرێنیگ لەبان جویلەی هاتوچوی دیرێد و سنووردار کارەساتەیل کەێد، کە ریەگە وە یەکیگ لە گرنگترین ریەل ستراتیژی دانرێد کە گەشتیارەیل لەناوەین دیالە و سلێمانی وەپی رەدبوون، بیجگە لە گواستنەوەی کەلوپەل بازرگانی.
