گوله‌ى قه‌ناس له دياله چه‌ن كه‌سيگ زه‌خمدار كرد
2020-05-13T10:10:54+00:00
شه‌فه‌ق نيوز/ سێ كه‌س مه‌ده‌نى له نزيك شار باقووبه ناوه‌ند پاريزگاى دياله وه گوله‌ى قه‌ناس زه‌خمدار بوين.
له‌ى باوه‌ته‌و، سه‌رچه‌وه‌يگ ئه‌منى ئه‌را ئاژانس شه‌فه‌ق نيوز وت: قه‌ناس وه‌ده‌سيگ ك پيشبينى ئه‌كريه‌ێد سه‌ر وه ريكخرياگ تيرۆريستى داعش بويه، ته‌قه له سێ كه‌س مه‌ده‌نى كردگه له ده‌ورگرد ناحيه‌ى ئه‌لعه‌باره له باكوور خوه‌رهه‌ڵات شار باقووبه له پاريزگاى دياله.
جى باسه، سه‌رچه‌وه‌گه هه‌ميش وت: له‌و رويداگه سێ كه‌س مه‌ده‌نى زه‌خمدار بوينه‌و هه‌رسێگيان جيواز كريانه ئه‌را نه‌خوه‌شخانه له‌وه‌ر وه‌رگرتن چاره‌سه‌ر.
