گرژى تازهيگ له خانهقين.. پهلاماريگ قوربانى لهلى كهفتهوه
![گرژى تازهيگ له خانهقين.. پهلاماريگ قوربانى لهلى كهفتهوه](https://media.shafaq.com/media/ewydzw0k/قوات-عراقية.jpeg)
شهفهق نيوز/ سهرچهوهيگ له حهشد شهعبى له ليواى 23، ئاشكراى كوشيان كهسيگ له حهشد و زهخمداربوين دووان تر كرد له تهقينهوهيگ ك سهيارهگهيان كردهسه ئامانج له دهورگرد قهزاى خانهقين له پاريزگاى دياله.
سهرچهوهگه ئهرا ئاژانس شهفهق نيوز وت: مينيگ لهچاڵنرياێ تهقيهسه دهوريهيگ حهشد شهعبى ليواى 23 له دهورگرد ئاوايى تهوهكل له خانهقين و لهتى كهسيگ له حهشد كوشياگهو دووانيش زهخمدار بوينه.
سهرچهوهگه ههميش وت: هيزهيل ئهمنى له حهشد و سوپا تهرم كوشيايهگه جيواز كردنه ئهرا دادوهرى پزيشكى و ههردوگ زهخمدارهگهيش جيواز كردنه ئهرا نهخوهشخانه لهوهر وهرگرتن چارهسهر.