گرووپيگ چه‌كدار ده‌سداشتنى له بۆردمانكردن ناوچه‌ى سه‌وز خسته دروو
2020-03-02T08:09:58+00:00
شه‌فه‌ق نيوز/ سه‌ركردايه‌تى هيزه‌يل"وعد الله" ك يه‌كيگه له گرووپه‌يل چه‌كدار شيعه‌ى سه‌ر وه حه‌شد شه‌عبى، ئه‌و هه‌واڵه‌يله ره‌ته‌و كرد ك هووكاره‌يل ره‌سانن ناوچه‌يى باس له‌لى كردنه وه ئه‌وه‌گ ده‌س له‌و بۆردومانه داشتگه ك ناوچه‌ى سه‌وز له به‌غداى پايته‌خت كرده‌سه ئامانج.
سه‌ركردايه‌تيه‌گه له به‌ياننامه‌يگ وت: ئيمه وه‌رپرس نييم له هه‌ر كاريگ سه‌ربازى له ده‌يشت چوارچيوه‌ى فه‌رمى ك وه‌پيمان دريه‌ێد جوور لايه‌نيگ سه‌ربازى په‌يوه‌س وه ده‌زگاى ده‌وڵه‌ت وه شيوه‌يگ ياسايى.
به‌ياننامه‌گه هه‌ميش وت: وه‌ل ئه‌وه‌يشا ك پابه‌ندبوين خوه‌مان وه رينمايه‌يل فه‌رمى دووپات ئه‌كه‌يم، جه‌خت له‌وه‌يش ئه‌كه‌يم ماف ئه‌وه ديريم جواو هه‌واڵه‌يل ئه‌و ئاژانسه‌يل ره‌ساننه بيه‌يمه‌و ك هه‌واڵ دروو بڵاو ئه‌كه‌ن له دژ دامه‌زرياگه‌مان.
