کەسیگ نزیک لە کازمى: ئەیە بەش هەر پیکهاتەیگە لە وەزارەتەیل حکومەت

شەفەق نیوز سەرچەوەیگ نزیک لە مستەفا کازمى سەرۆک وەزیرەیل راسپاریاى ئەرا پیکهاوردن حکومەت، باس لە چوینێتى دابەشکردن پۆستەیل وەزارى کرد لەناونى پیکهاتەیل(شیعە و سونە و کورد).

ئەو سەرچەوە ک نەتواس ناوى ئاشکرا بدێ، ئەرا شەفەق نیوز وت: کابینە وەزاریەگە لە حکومەت مستەفا کازمى سەرۆک وەزیرەیل راسپاریاێ پیکهاتگە لە 22 وەزارەت.

باس لەوەیش کرد وەزارەتەگان وەى جوورە دابەش ئەکریەن لەبان پیکهاتەیل: 11 وەزارەت شیعە، 6 وەزارەت سونە، 4 وەزارەت کورد، 1 وەزارەت ئەرا هەریەک لە مەسیحى و تورکمان.

جى باسە، سەرچەوەگە هەمیش وت: بڕیگ لە ناوەیل کاندیدکریاێ ئەرا ئەو وەزارەتەیلە لەلایەن حزبەیلەو پیشکەش کریانەو بڕیگیش لەلایەن سەرۆک وەزیرەیل راسپاریاگەو پیشکەش کریانە.