کۆڕۆنا گیان یەکەمین قوربانی لە نەینەوا سینێد

شەفەق نیوز/ سەرەچه‌وەیگ پزشکی، چووارشەممە، خەوەردا لە تۆمارکردن یەکەمین مردگ وە ڤایڕۆس کۆڕۆنا لە پارێزگای نەینەوا.
سەرچەوەگە ئەرا ئاژانس شەفەق نیوز وت: شار مووسڵ یەکەمین مردگ وە ڤایڕۆس کۆرۆنا تۆمار کرد لە نەینەوا. ودیاری کرد ک مرگەگە پیاویگ ٥٠ ساڵانە، وهەمیش بیماری دڵ و شەکرە داشتگە.
لەباوەتیگ هاووشان، شانەی قەیرانە تایبەتەگە وە کۆڕۆنا لە نەینەوا له‌بەیاننامەیگ وت: نەجم جبوری پارێزگار و وەرپرس شانەی قەیرانەگە و خزمەت بەرژەوەنی گشتی، لەوەر مەترسی رەوشەگە وه‌یجوورە رینمای دا:
١/ چەسپانن قەیەغەی هاتووچگن تەواوەتی لەبان گشت لاگان پارێزگاگە، لە ئمڕوو چوارشەممە ساعەت ٦ ئیوارە، تا ساعەت ٥ شەوەکی، لە روژ یەکشەممە ٥/٧/٢٠٢٠ .
٢/ داواکاری لە فەرماندەی ئۆپراسیۆن و وەڕیەوبەر ئەمن نیشتمانی وە بەسانن ریەیل وەناوهاتن پارێزگاگە لە نوای سەردانەیل وە شیوەیگ یەکجاری ، وچەودیریکردن ئەندامەیلیان لە بەسانن ریەگان.
٣/ وەخشین تەندروسی و فەرمانگە خزمەتی، و بازرگانی و نانەوا و خواردەمەنی تەنیا لەناو گەڕەکەگان، و ئەرا رەوشەیل فریاکەفتن پەیوەندی وە فریاکەفتن جیوەجی یا پۆلیس بکریەێد.
٤/ بایەسە فەرماندەی پۆلیس قەیەغەی هەر گردەوبوینیگ یا پێشیل کردنیگ لە قەیەغەی هاتووچگنەگە بکەێد، و وەکارهاوردن رێکارە یاساییەگان وەگەرد پێشیلکارەیل.