کۆڕۆنا وەقف سوننی لە کەرکوک به‌سا
شەفەق نیوز/ وەڕیەوبەر وەقف سوننی لە پارێزگای کەرکوک، سێشەممە، دووپاتکرد ک وەقفەگە داوا لە شانەی قەیرانەگە لە پارێزگاگە کرد ئەرا بەسانن دەر وەقفەگە، وئاماژەدا ك زیایبوین تووشهاتن و مردن لە دامەزراوەیل سەروە وەقفەگە هالە پشت داواکاریەگەی.
ئەحمەد مودەرس وەڕیەوبەر وەقف سوننی لە کەرکوک ئەرا ئاژانس شەفەق نیوز وت: داوا لە شانەی قەیرانەگە لە کەرکوک کردیمن دەر وەڕیەوبەرایەتی وەقف سوننی لە کەرکوک بوەسێد، وئی داواکاریە لە وه‌ر رووشنایی ئاشکرابوین ٦ تووشهاتگ وە کۆڕۆنا هات ئەرا کەسەیلیگ سەروە وەقفەگە.
مودەرس وتیش: تووشهاتنەگان وە ڤایڕۆسەگە كارمه‌ند وەڕیەوبەریەیل ناو وەقفەگەن . تا ئیسە وەقف سوننی ٤ مردگ وە ڤایڕۆسەگە تۆمار کردگە.
سەرچەوە پزشکیەگان لە وەختیگ گوزەیشتە خەوەردان ک تووشهاتنە گشتیەگە لە پارێزگای کەرکوک رەسیە ٩٨٢ كه‌س، و تووشهاتگەیل ئیسە ٦٥٤ ، و خاسەوبویەیل ٢٩٣ ، و مردگەیل رەسینە ٣٥ کەس لە وەخت دیارکەفتن پەتاگە لە کەرکوک تا ئیسە.
وە گشتی. عراق ٦٢ هەزار و ٢٧٥ تووشهاتگ تۆمار کردگە لە وەخت دیارکەفتن پەتاگە لە وڵاتەگە لە ئادار گوزەیشتە، لەلیان دوو هەزار و٥٦٧ مردن ، و ٣٤ هەزار و ٧٤١ خاسەوبەین.
