کۆچکردن مەناف تاڵیب هونەرمەن عراقی لەوەر تووشهاتنی وە کۆرۆنا
شەفەق نیوز/ ، دویای خراوبوین رەوش تەندروسی لەوەر تووشهاتنی وە ڤایڕۆس کۆرۆنا ، هونەرمەن موناف تاڵیب، ئمڕوو جومعە، کۆچ دویایی کرد.
سەندیکای هونەرمەنەیل عراق لە بەیاننامەیگ رەسیە ئاژانس شەفەق نیوز وت: وە خەفەت گەورایگ پرسەو سەرەخوەشی کەیمن لە کۆچکردن هونەرمەن مەناف تاڵیب ک لە ساعەت چوار ئیواره‌ی ئمڕوو جومعە ٢٦ حوزەیران ماڵئاوایی یەکجاری کرد.
وتیش؛ هونەرمەن مەناف تاڵیب ساڵ ١٩٤٠ لە شار کوت لە دایگبویە ، خوەشی هاتگەسە ئەکتەری، و ئی خوەشوویستیە هاوردەی پەیمانگای هونەرە جوانەگان، ئیجا لە ساڵ ١٩٦٥ بەش ئەکتەری ته‌مام كرد و بویە سەرپەرشتیار هونەری لە پەروەردەی شار کوت، ئیجا چگ ئەرا دیالە تا هەمان کار بکەێد.
ساندیکاگە هەمیش وت: لەساڵ ١٩٧٣ هونەرمەنەگە مکیسیگ وەرگرد لە تیم نیشتمانی ئەکتەری، و یەکەمین بەشداریی وەل تیمەگە لە شانۆی سروود زەوی بوی.
لە شانۆ چیە ئەرا تەلەفزیۆن، و یەکەمین کارەیلی لە سەرەتایی هەفتاگان بوی لە بەڕنامەی خوازم دڵم سەردەو بکەم.
هەمیش وت: لە ساڵ ٢٠٠٦ لە عراق دەرچگ، جوور ئەو هونەرمەنەیل ک وڵاتەگە هیشتنەجی له‌وەر کارەیل توندوتیژی، و لە سوریا نیشتەجی بوی، تا لەورا وەردەوامی بارێدە كاره‌یل هونەریی، ک بەشداربوی لە فرەی زەنجیرە تەلەفزیۆنیەگان ک لەورا بەرهەم هاتیاد، جوور؛ سارە خاتون، نەناسریاگ، هاوسەریگ ئەیسە داواکریاگە، کیشان پلەیل، دویاترین رووژەیل تاوسان، رەسافی ، لانەی شیتەیل ، و دووسییگ لە هیند، و دواترینیان زەنجیرەی نوگرە سەڵمان بوی، ک باس ژیان زیندانیە سیاسیەگان کەێد و ماوە سەختەگەی عراق، و هەمیش ژمارەیگ بەشداری لە شانۆ دیرێد، بیجگە دەرهێنان دوو کار شانۆیی.
