کۆمپانیایگ ئیرانی گەشەدەێدە كیڵگەیگ هاوبەش وەل عراق

شەفەق نیوز/ کۆمپانیای نەفت نیشتمانی ئیرانی، ئمڕوو شەممە، گریەبەسیگ وەل کۆمپانیای برشیا ئەنجامدا، ئەرا گەشەپیدان لە پیشەسازی نەفت و گاز، ئەرا گەشەداین لە كێڵگەی '' یاران '' لە باشوور خوەرئاوای وڵاتەگە ك هاوبەش عراقه‌.
لە مەراسیم واژووەگە بیژه‌ن زەنگەنە وەزیر نەفت و مەسعود کرباسیان وەڕیەوبەر جیوەجیکردن کۆمپانیاگە ئامادەی بوین وەگورەی ئاژانس ''فارس'' نیمچە فەرمی ئیرانی.
ئاژانسەگە وت؛ گریەبەسەگە وه‌ ئامانج گەشەداین كێڵگەی یاران هاوبەش وەل گێڵگەی مەجنون عراقه‌ ئەرا ماوەی ١٠ ساڵ، لە بەرهەمهاوردن راستەخۆ و ناراستەخۆ بایی ٢٩٤ مەلیۆن دۆلار، و خەرج بیناکردن دامەزراوەیل بایی ٢٣٦ مەلیۆن دۆلار.
رێککەفتنەگە کەنین ٦ بیر گریدەو وهەمیش یەک بیر ئەرا دیاریکردن و یەکیگ ئەرا تەکان، و خاسەوکردن ٥ بیر و دابینکردن پەمپ ناوینە ئەرا ٢٧ بیر، و هەمیش دروسکردن و نووەو کردن دامەزراوەیل وئەنجامداین توێژینەوەیل تاقێگەیی، و داناین میکانزم زیایکردن بەرهەم.