کۆمپانیایه‌یل بیگانە داوەکاری عیراق وە کەمەو کردن بەرهەم رەت کردن
شەفەق نیوز/ فورات موسەوی پسپوڕ کارەیل وزە، رووژ جومعە، دیاری رەتکردن داواکاری وزارەت نەفت ئەرا کەمەوکردن بەرهەمکاری نەفت، جوی پابەندبوینیگ ئەرا رێککەفتن ئۆپیک له لاین کۆمپانیایه‌ل بیگانە کرد. یەیش ناچار عراق كرد پەنا وە کۆمپانیایل ناوخۆیی بوا ئەرا جیوەجیکردن ئی پایه‌ندییه.
دەوڵەتەیل نەفتی هاوپەیمان ئۆپیک ، رەسینە رێککەفتنیگ لە ناوڕاس مانگ نیسان، وە کەمەوکردن ١٠ مەلیۆن بەرمیل لە روژیگ لە بەرهەمهاوردن نەفت، ك لایه‌نی هاوپەیمان ٩،٧ مەلیۆن بەرمیل لە روژیگ لەلی هەڵگرێد. وەگورەی رێککەفتنەگە، لە ١ مانگ ئایارەو بایەسە عیراق ١،٠٦ مەلیۆن بەرمیل لە روژیگ بەرهەمی کەمەو بکەێدە .
موسەوی ئەرا شەفەق نیوز وت؛ عیراق وەپابەندبوین ئی رێککەفتنە سەختی دوینێد، چوینکە کۆمپانیایل بیگانە کە گەشە وە كیڵگەیل نەفتی ده‌ن ، لەی باوەتە رەت داواکاری حوکومەت عیراق کردن.
وتیش؛ وزارەت نەفت تەنیا دەسڵات لەبان کۆمپانیایه‌ل حکومەتی دیرێد، ئەرا وە وزارەتەگە روی کردە ئی کۆمپانیایلە ئەرا کەمەوکردن بەرهەم.
