کازمی و زەریف باس ئاڵشبویە هەرێمی و جهانیەگان و رەوش عراق کەن

شەفەق نیوز/ موستەفا کازمی سەرۆک وەزیرەیل ، ئمڕوو یەکشەممە، گردەو بوی وه‌ل محمد جواد زەریف وەزیر دەرەوەی ئیران. ئاژانس خەوەری فەرمی ئیران '' ئەڕنا'' باسکرد ک ئیرج مەسجدی باڵوێز وڵاتەگەی ئامادەی چەوپیکەفتنەگە بوی ، و هەردوگلاگە باس پەیوەندیە دووانیەگە کردن و ریەیل ئەوزەڵکردنی.
هەمیش زەریف وەل کازمی باس نووترین ئاڵشتبویە هەرێمی و جهانیەگان و رەوشەیل عراق کرد.
زەریف، ئەرا گفتوگۆکردن وەگەرد وەرپرسە گەوراگان عراق ، ئمڕوو یەکشەممە، وەیاوەری شاندیگ سیاسی رەسیە بەغداد پایتەخت.