کازمی مکیسیگ ئەرا سەردان روسیا وەرگرێد ومکیس بۆتین وە سه‌ردان بەغداد کەێد
شەفەق نیوز/ موستەفا کازمی سەرۆک وەزیران عیراق، مەکسیم ماکسیمۆف باڵوێز روسیا لە بەغداد دی، باڵوێزە روسیەگە پێروزباییگ دەسنوس لە فلادیمێر بۆتین سەرۆک کۆمار روسیا و میخائیل میشوستین سەرۆک وەزیران هاورد، ک مکیس کازمی کەێد ئەرا سەردان مۆسکۆ، و دووپات لە پشتگیریکردنی لە عیراق کرد لە ئەنجومەن ئاسایش.
کازمی لای خوەیەو سوپاس سەرۆک کۆمارو سەرۆک وەزیران روسیا ئەرا پەیامەگیان کرد، و دووپات لەبان شانازی عیراق کرد وە پەیوەندی قویل وەل روسیا، وبۆچونی وەرەو پتەوکردنی لە تەوەرەیل سیاسی و ئابووری و ئەمنی و روشنهویری، و داوایگ دا ئەرا سەرۆک روسی سەردان بەغداد بکەێد.
سەرۆک وەزیران وت؛ خوەشحالبووم وەسەردان روسیا، وعیراق فرە پشت بەساگە وە دەور روسیا لە ئەنجام داین ئارامی لە ناوچەگە، وئاسانکردن کار کۆمپانیا روسیەگان لە باوەتەیل نەفتو غازو کەهرەبا وئەکتیف کردن کۆمیتەیل هاوبەش ناوبەین هەردگ وڵاتەگە.
