کازمی له پزشکی وەرگری و حەشد خوازێ هانای وەزارەت تەندروسی بیه‌ن
2020-06-25T14:13:16+00:00
شەفەق نیوز/ موستەفا کازمی سەرۆک وەزیران، ئمڕوو پەنجشەممە، رینما دا فەرمانگەیل پزشکی لە وەزارەت وەرگری ودەزگای حەشد شەعبی ئەرا پشتگیری کردن وەزارەت تەندروسی لە نواگردن پەتای کۆرۆنا.
نووسینگەی کازمی لە بەیاننامەیگ ک رەسیە ئاژانس شەفەق نیوز وت: کازمی کۆبونەوەیگ بەسا وەل فەرمانگەیل پزشکی لە وەزارەت وەرگری ودەزگای حەشد شەعبی ورینما داپیان ئەرا پشتگیری کردن لە وەزارەت تەندروسی وە گشت توانایلیان.
بەیاننامەگە باس لە قسەگەی کازمی کرد ک وت؛ پەتای کۆرۆنا سەختی گەورایەگە، وگشت توانایل دەوڵەتەگە وازە ئەرا نواگردنی و چارەسەکردن تووشهاتگەیل.
و دیاری کرد هووشیاری کۆمەڵگا فرە گرنگە ئەرا گیرهاوردن پەتاگە، و کەمەوکردن تووشهاتنەگان، و مقیەتی گەلەگەمان، وتیش؛ سڵاو ئەرا کادرە پزشکیەگان، ک گشت هه‌وڵێگ دەن، وکەفنە ژیر جەخت کار کەورایگ.
