ڕووژنامهێگ بهریتانی نقڵانهێ جهنگ تایفهگهری له عراق ئهیا
![ڕووژنامهێگ بهریتانی نقڵانهێ جهنگ تایفهگهری له عراق ئهیا](https://media.shafaq.com/media/archive/files/Archive.jpg)
عراق ئمڕوو چوارشهممه دروشم جهنگهگه ئاڵشت كرده "لهبهیكه یاعراق".
ڕووژنامهگه باس ئهوهيش كردگه، سهرۆك وهزیرهیل عراق حهیدهر عبادی، وهتهما بوی حهشد شهعبی له جهنگ ئهنبار بهشدار نهكهێد، له ترس سهرههڵداین گرژی تایفهگهری.
تایمز له زووان چهودێرهیل نويساس: پهخشهوكردن هێزهیل حهشد شهعبی ك زورمیان شیعه مهزهون، هاله بهرژهوهندی ڕێكخرياێ داعش ك تهقالا ئهكا ململانی تایفهگهری له ناوچهگه دروس بكا.
ڕووژنامهگه له دريژهێ ڕاپۆرتهگهێ نويساس: هێزهیل حهشد شهعبی وهشێوهێ ڕاسهوخۆ له ڵايهن ئيرانهو پشتگیری كریهن و ئهنستیتۆی لێكوڵینهوهێ جهنگ ئهمریكا له واشنتۆن هالهو باوهڕه ك حكوومهت عراقی پشتگیری ئيران له هن ئهمریكا خاستر زانێ.
تایمز له زووان پسپۆڕهیل سهربازی ئهێوژێ، نهوين سهربازهیل ئهمریكی له خاك عراق، ڕێ داسه سهدان ڕاوێژكار سهربازی ئیرانی بوونه هاوڕێ چهكداره شیعهگان وه چهواشهێ ڕاوێژكارهیل ئهمریكی ك دويرن له مهیدانهیل جهنگ.
فهراههمكردن كۆمهكهيل سهربازی ئهمریكا ئهڕا هێزهیل عراقی چهن ههفته دريژه كیشێ، لهوهختێگ كۆمهكهيل ئێرانیی وهچهن ڕووژ ڕهسن.