چه‌كداره‌يل په‌نج كه‌س له خيزانيگ له‌باكوور به‌سره كوشتن
2019-08-01T10:32:30+00:00
شه‌فه‌ق نيوز/ سه‌رچه‌وه‌يگ وه‌رپرس ئه‌منى ئاشكراى ئه‌وه كرد چه‌كداره‌يليگ نه‌ناسرياێ په‌نج كه‌س له يه‌ك خيزان كوشتنه له باكوور به‌سره.
له‌و باوه‌ته‌و، سه‌رچه‌وه‌گه‌و شايه‌تحاڵه‌يل ئه‌را شه‌فه‌ق نيوز وتن: چه‌كداره‌يليگ نه‌ناسرياێ وه سه‌ياره‌يگ له جوور"مه‌ليكه" خيزانيگ ك پيكهاتگه له په‌نج كه‌س له‌ناو سه‌ياره‌يگ له جوور "تاهو" له ناوچه‌ى گه‌رمه له باكوور به‌سره كوشتنه.
ئه‌و سه‌رچه‌وه‌و شايه‌تحاڵه‌يله باس له‌وه‌يش كردن ئه‌و كوشياگه‌يله پيكهاتنه له هه‌ر يه‌ك له نه‌قيب شه‌ريف شغانبى ك كارمه‌نده له وه‌ڕيه‌وبه‌رايه‌تى هاتوچوو به‌سره، وه‌ل 2 ژن و 2 مناڵ.
