چالاکوانەیل هەڕەشەی خۆپیشاندان گەورایگ دەن
شەفەق نیوز/ چالاکوانەیل لە پارێزگای موسەنا، ئمڕوو چوارشەممە، راگەیانن ك خۆپیشاندانیگ گەورا خه‌نه رێ ، ئەرا زوورکردن لەبان دەسڵاتەیل وەرپرس تا چوار داواکاری دیاریکریاگ جیوه‌جی بكه‌ن.
بەیاننامەیگ لە مەیدان مانگردنەگە، رەسیە ئاژانس شەفەق نیوز ك له‌تی هاتیه؛ کۆبونەوەی نوێنەرەیل شۆڕشگیرەیل موسەنا تەواوبوی، دویای کۆتایی دەرفەتەگە ک وەرجەیە دیاری كردبین ئەرا وەجیهاوردن داواکاریەگان وەبی هویچ گووش تەکاننیگ لەلایەن دەسڵاتەیل حکومڕانی ئەرا ئەنجامدانی . بڕیار دریا روژ یەکشەممەی هاتگ ٧/٦ ک ئەو روژە قەیەغەگە تەواو بوود، شۆڕشگێرەیل موسەنا خۆپیشاندان گەورایگ بكه‌ن ، وهویچ دەسپیچگیگ لە وەرپرسەیل پارێزگاگە نیە ئەرا نواگردن خۆپیشاندانەگە.
بەیاننامەگە ئاماژە دا وە بڕیگ داواکاری، لەلیان سزادان بکوشەیل خۆپیشاندەرە ئاشتیانەگان، وتەواوکردن یاسای هەڵبژاردن ودەنگدان لەبانی، ولاوردن ئەحمەد مەنفی پارێزگار وراوێژکارەگانی، وهاوردن کەسیگ بیلایەن ئەرا وەڕیەوبردن كاروبار پارێزگاگە. بەیاننامەگە هەمیش لەناوی بوی؛ لاوردن کەرتە وەڕیەوبردنەگان، و وەڕیەوبەرەیل گەندەڵ فەرمانگەگان، ولەناوبردن دەسەی ئابووری حزبەگان.
بەیاننامەگە هەمیش وت؛ چادر دانریەێد وەرانوەر بینای پارێزگاگە، ونواگیر پارێزگارەگە کریەێد تا نەچوودە ناوی، و تا جیوەجیکردن داواکاریە باسکریاگان مانگرن ، وخۆپیشاندانەگە وەرەفتار مقەیەتی تەندروسی ئەنجام دریەێد، وبایەسە گشت شۆڕشگیرەیل ئامادەبوون ئەرا روژ یەکشەممە، ودەمامەکو دەسکیش وەکار بارن.
