پەڕلەمان عراق کەفێدە شوون قەیران مووچە بڕین
شەفەق نیوز/ دەسەی دارایی لە ئەنجومەن نوێنەران، ئمڕوو چوارشەممە، دووپات نا یاسایی ونا دەستوری بڕین لە مووچەی خانەنشیەنەیل كرد، وەبی بڕیاریگ حکومەتی- پەڕلەمانی وەرینیگ.
حەنین قەدو ئەندام دەسەگە، ئەرا ئاژانس شەفەق نیوز وت: بڕینەگان لە مووچەی خانەنشینەیل، نا یاسایی و نا دەستوریە، وجوور پێشەل کردنیگ لە یاسای یەکێتی مووچەی خانەنشین دانریەێد، وبڕینەگان له جی خوه‌ی نیە، ك تەنیا لە ری بڕیاریگ لە ئەنجومەن وەزیرەیل بوود. بایه‌د لە پەڕلامان دەنگ لەبانی بیریەێد.
ودیاری کرد ک تا ئی ساعەتە ئەنجومەن وەزیرەیل هویچ بڕیاریگ لەی باوەتە رانەگەیانیە، و ئی جوور بریاریگ ئەرامان ئەنجومەن نوێنەران نه‌ڕه‌سیه تا دەنگدان لەبان خاسه‌وکردن یاسای یەکێتی مووچەی خانەنشین بکریەێد. ئەراوە وەمیوانیکردن وەرپرس دەزگای خانەنشینی، و وەرپرسەیلیگ حکومەتی پەیوەندیدار لەی باوەتە ، ئەوەسا هەڵوێستیگ وه‌رگریمن لەی بڕینە.
