پەرلەمانتاریگ عراقی لەبان کۆرۆنا سه‌ركه‌فت
شەفەق نیوز/ وحدە جومەیلی نوێنەر پارێزگای دیالە، رووژ سێشەممە، خاسەوبوینی لە بیماری ڤایڕۆس کۆرۆنا راگەیان ، و باس ئومید خوەی کرد لە خاسەوبوین براگەی ک هەمیش تووش ڤایڕۆسەگە هاتگە.
نوێنەرەگە لە بان ماڵپەڕ پەیوەندیە کۆمەڵایەتیەگە ک ئاژانس شەفەق نیوز چەودیریی کەێد نووساد: خودایا سوپاس ئەرا تو، ئەرا وەیەکجاری خاسەوبوینمان لە ڤایرۆس کۆرۆنا، و داوای شەهیدی کەیمن ئەرا هەرکەسیگ وە هووکاری مرد.
هەمیش نووساد: خودایا داوای خاسەوبوین کەیمن ئەرا ئەوەگ زیان دوینێد، و لەلیان براگەمە، و داوا لەلید کەیمن شکست ئەرا هەرکە چەودیری بەرژەوەنی گەل خوەی نێکەێد.
رووژ جمعەی گوزەیشتە، غەیدا کەنبەش ئەندام ئەنجومەن نوێنەران عراق لە پارێزگای دیالە لەوەر تووشهاتنی وە ڤایرۆس کۆرۆنا مرد، و راگەیانن کریا لە تووشهاتن فرەیگ لە وەرپرسە حکومەتیەگان و ئەندامەیل ئەنجومەن نوێنەران وە ڤایرۆسەگە، ك رەوش تەندروسییان ئاشکرا نەکریا.
