پڕۆژەیگ ٨ مەلیۆن دۆلاری نزیک مەرزیگ سنوری وه‌ل ئیران
شەفەق نیوز/ دەزگای وەبەرهەمهاوردن لە پارێزگای بەسرە، ئمڕوو یەکشەممە، ئاشکراکرد لە مووڵەت داین ئەرا پڕۆژەییگ خزمەتگوزاری نزیک مەرز شەلامچە لە سنورەگە وەل ئیران.
عەلا عەبدولحسین سەلمان، وەرپرس دەزگای وەبەرهەمهاوردن لە بەسرە ئەرا ئاژانس شەفەق نیوز وت: مووڵەت وەبەرهەمهاوردن دریا ئەرا جیوەجیکردن پڕۆژەیگ خزمەتگوزاری نزیک مەرز شەلامچەی سنوری بایی زیاتر لە ٨ مەلیۆن دۆلار، ک دریا وەبەرهامکار خۆجێیگ، و پڕۆژەگە بانزینخانەییگ و دوکانەیل بازرگانی و چێشتخانە و هۆڵەیل دانیشتن و کارگای خاسەوکردن ماشین و ویستگەی ماشین هاناوی.
وتیش: پڕۆژەگە لەبان ٢٩ دۆنەم کریەێد، وەماوەی ٣٠ مانگ تەواوبوود.
هەمیش وت: پڕۆژەگە گونجیاگە وەل داوایل حکومەت فیدڕاڵی لە گەشەداین وە مەرزە سنوریەگان، تا هووکار بوود لە بەرزکردن ئاست گواستنەوەی بازرگانی ناوبەین دوو دەوڵەتە هاوساگە، و هاتنەوەی لەبان زیابوین سامانەیل ئابووری ئەرا وڵاتەگە.
