په‌روه‌رده له‌باره‌ى هه‌واڵ دوياخستن تاقيكردنه‌يل كووتايى قسه كرد
2020-05-27T20:56:02+00:00
شه‌فه‌ق نيوز/ وه‌زاره‌ت په‌روه‌رده، ئه‌و هه‌واڵه‌يله خسته دروو ك له‌رێ ماڵپه‌ڕه‌يل په‌يوه‌ندى كۆمه‌ڵايه‌تى بڵاو كريان له‌باره‌ى دوياخستن واده‌ى تاقيكردنه‌يل كووتايى قۆناغه‌يل كۆتايى
وه‌زاره‌ته‌گه له به‌ياننامه‌يگ ئه‌را ئاژانس شه‌فه‌ق نيوز وت: بارودوخ ئيسه وه‌بوونه‌ى ڤايرۆس كۆرۆناوه هه‌ماهه‌نگى له‌ناونى ليژنه‌ى هه‌ميشه‌يى تاقيكردنه‌يل و وه‌ريه‌وبه‌رايه‌تى گشتى ته‌قويم و ئمتحانه‌يل و وه‌زاره‌ت ته‌ندروستى كرياگه وه‌خاتر رێ وشوونه‌يل خواست ته‌ندروستى.
هه‌ميش وت: له گرنگترين ئه‌و رێ وشوونه‌يله ك گيريانه‌سه وه‌ر، وشكاننه ئه‌را خوه‌ندكاره‌يل ئمتحانكه‌ر وه‌رجه ئه‌وه‌گ بچنه ناو ناوه‌ندى تاقيكارى و چه‌وديريكردن وه‌كارهاوردن هووكاره‌يل خوه‌يپاريزى جوور ماسك و ده‌سكيش.
