په‌رله‌مانتاريگ: وه‌رپرسيگ عراقى 6 مليار دۆلار له مه‌زاديگ دزيه
شه‌فه‌ق نيوز/ عاليه نسه‌يف ئه‌ندام ئه‌نجومه‌ن نوێنه‌ره‌يل داوا له سه‌رۆك وه‌زيره‌يل دادگاو داواكار گشتى كرد بكه‌فنه شوون ئه‌وانه‌گ مه‌زار دراو وه‌كار هاوردنه له ساڵه‌يل وه‌رين و ملياره‌ها دۆلار دزينه و له‌وانه‌يش خاوه‌ن يه‌كيگ له بانكه‌يل ك شه‌ش مليار دۆلار دزيه.
نسه‌يف له به‌ياننامه‌يگ وت: بانكه‌يليگ هه‌ن له ساڵه‌يل وه‌رين ئستغلال مه‌زاد دراو كردنه وه‌شيوازه‌يليگ ناياسايى و له‌وه‌ر دزين قووت ملله‌ت به‌سه‌زووان تاڕاده‌يگ ك يه‌كيگ له خاون بانكه‌يل ك له‌ناو غورفه‌يگ له‌لاى ماڵ باوگى نيشتوێد له ناوچه‌يگ مللى و له‌ناكاو بويه ملياردێر و ئيسه خاوه‌ن ماڵ و موڵك فريه‌يگه.
جى باسه، نسه‌يف جه‌خت له‌وه‌يش كرد سه‌رۆك وه‌زيره‌يل و لايه‌نه‌يل په‌يوه‌نديدار بايه‌سه بكه‌فنه گه‌ردين له‌شوون نه‌هه‌نگه‌يليگ ك ئمڕوو هه‌وڵ ئه‌يه‌ن خوه‌يان پاكه‌و بكه‌ن له دزين دارايى ملله‌ت و باس له‌وه‌يش كرد ئيمه ئى دوسيه ئه‌خه‌يمنه وه‌رده‌م داواكار گشتى و گشت به‌ڵگه‌و زانيارييگ وه‌پى پيشكه‌ش ئه‌كه‌يم ئه‌را ده‌رخستن راسيه‌يل و هاوردنه‌وه‌ى ئه‌و دارايى ملله‌ته.
