په‌رله‌مانتاريگ عراقى ده‌س له ئه‌ندامێتى كيشاوه‌و په‌رله‌مان هيشته‌جێ
شه‌فه‌ق نيوز/ ئه‌نداميگ له ئه‌نجومه‌ن نوێنه‌ره‌يل عراقى، ئاشكراى ده‌س له‌كاركيشانه‌وه‌ى خوه‌ى كرد و ناڕه‌زايه‌تى خوه‌ى ده‌رخست وه بوونه‌ى زوڵم و به‌شبه‌شايه‌تى و داخدارى خوه‌ى ده‌رخست ئه‌را هه‌ر ده‌رفه‌تيگ سه‌ركه‌فتن.
يوسف كلابى ئه‌ندام په‌رله‌مان له به‌ياننامه‌يگ ئه‌را ئاژانس شه‌فه‌ق نيوز ك روێ ده‌مى كرده عراقيه‌يل وت: له سه‌ره‌تاى 2019 تائيسه هه‌ناى ك بويمه ئه‌ندام ئه‌را نوێنه‌رايه‌تيدان له په‌رله‌مان هه‌وڵ و ته‌قلا دام كار له‌بان لاوردن زوڵم له‌بان ئيوه‌و ناوچه‌يلدان بكه‌م، وه‌لێ دوياى ئه‌وه‌گ رويداو روێ ئه‌ياد ئه‌رام ده‌ركه‌فت ك رێپێوان سته‌م ده‌رهه‌قادان وه‌رده‌وامه ئه‌را ساڵه‌يل فريه‌يگ و رژيم تازه‌يش شيوازيگ تر تازى ئه‌راى زياى كرد له شيوه‌يل زوڵم ك ئه‌ويش سيسته‌م به‌شبه‌شايه‌تيه ك ته‌نيا رووڵه‌يل ناوراس و باشوور له‌تى زه‌ره‌دمه‌نن.
كلابى هه‌ميش وت: نه‌فت و خويندان له‌ى رژيمه فريه ئه‌رزانه و وه‌رده‌وامبوينم جوور تاكيگ له چوارچيوه‌ى ئى مه‌كينه‌ى گه‌ورا له به‌شبه‌شايه‌تى له‌يوا له‌ليم ئه‌كا بوومه شه‌ريك له‌و زوڵم و سته‌مه‌يله ك له‌ليدان ئه‌كريه‌ێد و هه‌ر وه‌و خاتريشه ده‌س له‌كاركيشانه‌وه‌ى خوه‌م ئاشكرا ئه‌كه‌م له ئه‌نجومه‌ن نوێنه‌ره‌يل و داخدارم ئه‌را هه‌ر ده‌رفه‌تيگ سه‌ركه‌فتن مادام به‌شبه‌شايه‌تى زاڵه له رويداگه سياسى.
