په‌رله‌مان عراقى هووكاره‌يل هه‌مواركردن ياساى خانه‌نشينى و جيوه‌جى نه‌كردنى دياريكرد
شه‌فه‌ق نيوز/ ليژنه‌ى ياسايى نوێنه‌رايه‌تى، ئاشكراى هووكاره‌يل هه‌مواركردن ياساى خانه‌نشينى يه‌كگرتگ كرد و دو هووكار له‌لى دياريكرد ئه‌را جيوه‌جى نه‌كردن هه‌مواركردنه‌گه.
له‌ى باوه‌ته‌و، به‌هار مه‌حمود ئه‌ندام ليژنه‌گه ئه‌را ئاژانس شه‌فه‌ق نيوز وت: ئه‌نجومه‌ن نوێنه‌ره‌يل وه‌رده‌وامه له هه‌مواركردن دويه‌م پرووژه‌ياساى خانه‌نشينى يه‌كگرتگ شماره 9 ساڵ 2014 و هه‌مواركردن ئه‌و ماده ك باس له هه‌واڵه‌كردن ئه‌را خانه‌نشينى ئه‌كا ئه‌را ماوه‌ى 63 ساڵ له‌جياى 60 ساڵ.
باس له‌وه‌يش كرد، ئامانج له هه‌مواركردن ياساى يه‌كه‌م هه‌مواركردن خانه‌شينى وه‌پيداين ده‌رفه‌ته ئه‌را دامه‌زرانن جايه‌ڵ جوانه‌يل له‌جياى ئه‌و كارمه‌نده‌يله ك ته‌مه‌نيان زياتره له 45 ساڵ تا 60 ساڵ، ئاماژه وه‌يه‌يش كرد قه‌يران دارايى هووكاره ئه‌را جيوه‌جى نه‌كردن و نه‌وين دامه‌زرانن له‌شوون ئه‌وانه‌گ هه‌واڵه‌ى خانه‌نشينى ئه‌كريه‌ن.
