پنتاگۆن: داعش له‌وه‌ر سێ هووكار له عراق له‌نوو ده‌ركه‌فت
2019-08-07T09:56:26+00:00
شه‌فه‌ق نيوز/ وشكاننكار گشتى له وه‌زاره‌ت وه‌رگرى ئه‌مريكا له راپۆرتيگ وت: ريكخرياگ تيرۆريستى داعش له‌نوو ده‌رئه‌كه‌فێد له سوريا وه‌ل خوه‌يكيشانه‌وه‌ى وڵاته‌يل يه‌كگرتگ هيزه‌يلى له وڵاته‌گه‌و له هه‌مان وه‌خت ئه‌و ريكخرياگه توانايه‌يلى له عراق پته‌و كردگه.
راپۆرته‌گه وت: هه‌رچه‌نى داعش خه‌لافه‌ته‌گه‌ى له‌ئاست هه‌رێمى زه‌ره‌د كرد، وه‌لێ ئه‌و ريكخرياگه توانايه‌يلى له عراق و سوريا پته‌و كردگه‌و چالاكيه‌يلى له سوريايش وه‌رده‌وامه له حاڵ حازر.
راپۆرته‌گه وت: ريكخرياگ داعش تويه‌نست پرووسه‌يلى يه‌كه‌و بخه‌ێد و پشتگيرى بكا له هه‌ردوگ وڵاته، هووكاره‌گه‌يشى ئه‌چێده‌و ئه‌را ئه‌وه‌گ هيزه‌يل ناوچه‌يى تواناى وه‌رده‌وامى پرووسه‌يل نه‌يرن ئه‌را وه‌خته‌يل دريژيگ يا په‌لامارداين له هه‌مان وه‌خت يا مقه‌يه‌تيكردن له‌و خاكه‌يله ك هاورياسه‌و.
