پارێزگایگ عیراقی دەربارەی قەیەغە و جفتو تیق بڕیار دا

شەفەق نیوز/ پارێزگای نەینەوا ، ئمڕوو پەنجشەممە، قەیەغەی هاتوچو ئەرا روژەیل جومعەو شەممە هەڵگرد، جوی ئەو روژەیل هەفتە، لەوەختیگ ک پارێزگای سەلاحەدین ماشینەیل لە جفتو تیق وەخشێد.
بەیاننامەیگ ئەرا پارێزگای نەینەوا رەسیە شەفەق نیوز وت؛ وەخاتر بەرژەوەنی گشتی وەگورەی دەسڵاتەیلی، نەجم جبوری، پارێزگەر نەینەوا و بەرپرس خانەی قەیرانەگە، بڕیار هەڵگردن قەیەغەی هاتوچو روژەیل جومعەو شەممە دا، جوی ئەو روژەیل هەفتەگە.
بەیاننامەگە هەمیش وت؛ جبوری بڕیاریش دا ک هەڵگردن قەیەغەگە دریژەو بود ئەرا ساعەت ١٠ ی شەو، ئەرا سوک کردن جموجویل هاوڵاتەیەیل وەگەرد نزیکبوین جەژن رەمەزان.
لای خوەییش عەمار جبوری، وەگورەی داوای هاوڵاتیەیل و کشاوەرزەیل ئەرا گوزران ژیانییان، ئمڕوو پەنجشەممە وەخشین تەکسیەگان وماشینەیل کار لە جفتو تیق راگەیان.
لە باوەتیگ تر جبوری دووپات لە کردنەوەی پرد سندیە ودیاری وەخت کردنەوەگەی کرد لە ساعەت ٧ شەوەکی تا ٧ ئیوارە ک سەلاحەدین وەل دیالە لە بان رووبار دیجلە وه‌یه‌كه‌و بەسیدەو، ئه‌ویش تەنیا ئەرا خەڵک سەلاحەدین. جی باسە ک پرد سەلاحەدین وەرژە دوو مانگ وەبڕیار خانەی قەیرانەگەی سەلاحەدین بەسیا.