پاريزگايگ عراقى وه‌بوونه‌ى به‌غداوه حاڵه‌ت ئاماده‌باشى لاورد وچيه به‌رزترين پله‌يل قه‌يه‌غه
شه‌فه‌ق نيوز/ عه‌مار جه‌بر خه‌ليل پاريزگار سه‌ڵاحه‌ين، رينمايى لاوردن حاڵه‌ت ئه‌وپه‌ڕى ئاماده‌باشى دا له روێ وه‌ڕوێ بوينه‌وه‌ى ڤايرۆس كۆرۆنا.
خه‌ليل له به‌ياننامه‌يگ ك ئاژانس شه‌فه‌ق نيوز ئاگادارى بوێ، وت: بايه‌سه له‌بانمان رێ وشوون تونتر وه‌ربگرێم و نواگيرى له هه‌ر جموجويليگ له‌ناوخود و ناونى قه‌زايه‌يل و رێگرى هاتنه‌ناو ئه‌را پاريزگاگه بكه‌يم وه گامه‌يليگ پته‌و وه فه‌رمان سه‌رۆك ئه‌نجومه‌ن وه‌زيره‌يل.
خه‌ليل وت: ئه‌چيمنه به‌رزترين پله‌يل قه‌يه‌غه‌و كه‌ره‌نتينه‌كردن گشت هاووڵاتيه‌يل له ماڵه‌يليان و هه‌ر هاووڵاتييگ ده‌مامك نه‌وه‌سێد له ده‌يشت ماڵه‌گه‌ى غه‌رامه ئه‌خريه‌ێد.
جى باسه، خه‌ليل هه‌ميش وت: حاڵه‌ته‌يل تويشبوين له به‌غدا روێ له زيايبوين ئه‌كا وه بوونه‌ى ئه‌وه پابه‌ند نيين وه سيسه‌تم ته‌ندروستى و وه‌و خاتريشه بايه‌سه گشتلايگ وه‌رگه‌ى وه‌رپرسيارێتى بگرێم.
