پاريزگار كه‌ركوك وه‌ وه‌كاله‌ت پۆليس ناوچه‌يى تومه‌تبار ئه‌كا

پاريزگار كه‌ركوك وه‌ وه‌كاله‌ت پۆليس ناوچه‌يى تومه‌تبار ئه‌كا
2019-06-01T10:16:33+00:00

شه‌فه‌ق نيوز/ راكان سه‌عيد جبورى پاريزگار كه‌ركوك وه‌ وه‌كاله‌ت, ئه‌و ته‌قينه‌وه‌ ئدانه‌ كرد ك روێدا له‌ شار كه‌ركوك و بويه‌ هووكار كوشيان و زه‌خمداركردن نزيكه‌ى 40 كه‌س.

 

له‌ى باوه‌ته‌و، نويسينگه‌ى پاريزگار كه‌ركوك وه‌ وه‌كاله‌ت له‌ به‌ياننامه‌يگ ئه‌را شه‌فه‌ق نيوز وت: جبورى سه‌رۆكايه‌تى دانيشتنيگ ليژنه‌ى ئه‌منى له‌ پاريزگاگه‌ كردگه‌  وه‌ ئاماده‌بوين هه‌ردوگ ئه‌ندام ئه‌نجومه‌ن نوێنه‌ره‌يل ئه‌رشه‌د ساڵحى و رێبوار ته‌ها و ليوا روگن هيزه‌يل تايبه‌ت سعه‌د حه‌ربيه‌ سه‌ركرده‌ى باره‌گاى فه‌رمانده‌يى هاوبه‌ش و نوێنه‌ره‌يل تر ئه‌منى و هه‌واڵگيرى، ك له‌تى دڵنيايى داسه‌ هاووڵاتيه‌يل پاريزگاگه‌ ئه‌را ده‌سنيشانكردن دريغيكه‌ره‌يل له‌و روێداگه‌.

 

جبورى له‌و دانيشتنه‌ وت: خوين هاووڵاتيه‌يل كه‌ركوك وه‌ تاڵان ناچێد و ئه‌ڕه‌سيمنه‌ ئه‌نجامده‌ره‌يل ئى تاوان تيرۆريستيه‌ ك دڵته‌نگ گشتلايگ كرد و باس له‌وه‌يش كرد ده‌زگاى هه‌واڵگيرى وه‌رجه‌ رووژه‌يليگ ئاگادارى داگه‌ له‌ نياز تيرۆريسته‌يل، وه‌لێ دريغى و كزى له‌ ئه‌داى ئه‌منى بڕيگ له‌ دامه‌زرياگه‌يل پۆليس ناوچه‌يى وجوود داشتگه‌ له‌و شوونه‌يله‌ ك ئه‌و ته‌قينه‌يله‌ له‌تيان كه‌فته‌سه‌و.

Shafaq Live
Shafaq Live