٦٠ دۆلار ئەرا یەک بەرمیل نەفت.. پێشبینییه‌گه عراقیه
شەفەق نیوز/ فوڕات موسەوی پسپۆڕ لە باوەتەیل وزە، ئمڕوو یەکشەممە، پێشبینی کرد وە رەسین بەرمیلیگ نەفت ئەرا ٦٠ دۆلار لە ماوەی مانگەیل ئایندە.
موسەوی ئەرا ئاژانس شەفەق نیوز وت: هاتنەوەی ژیان ئابووری لە فرە دەوڵەت جهان بوودە هووکار لە زیایبوین داواکردن لە بان وزە و رەسین نرخ بەرمیلیگ نەفت ئەرا ٦٠ دۆلار لە مانگەیل ئایندە، و مانگ تەمووز ئیسە قۆناغ یەکەم لە رێککەفتن کەمەوکردن بەرهەم تەواوبوود، وەکەمەوکردنیگ رەسیە ٩،٧ مەلیۆن بەرمیل رووژانە.
وتیش: قۆناغ دویەم لە سەرەتای مانگ ئاب ئایندە دەسکەێدەپی وەکەمەوکردن لە رێککەفتن کەمەوکردنەگە ئەرا ٧،٧ مەلیۆن بەرمیل لە رووژیگ، و وەردەوام بوود تا کۆتایی ساڵ ٢٠٢٠ ، وقۆناغ سێیەم دەسکەێدەپی لە سەرەتای ٢٠٢١ تا مانگ نیسان ئه‌و ساڵه، وە کەمەوکردنیگ ئەرا ٦ مەلیۆن بەرمیل.
موسەوی وتیش: پێشبینی كریه‌ید وه خاسەوبوین داواکردن جهانی وە گورەی هەفت مەلیۆن بەرمیل رووژانە لە ٢٠٢١ ، ئەویش دویای داوەزانیگ وەگورەی نۆ مەلیۆن بەرمیل ئی ساڵە، و ئەوزەڵکردن نرخەیل نەفت ئەرا ٤٣ دۆلار ئەرا بەرمیلیگ لە خوارترین ئاست لە ٢١ ساڵ وە کەمتر کە ١٦ دۆلار ئەرا بەرمیلیگ.
