يه‌كه‌م قسه‌ى په‌رله‌مانى له‌بان دامه‌زارنن ليژنه‌ى كازمى سه‌باره‌ت وه خوه‌ينيشانداينه‌يل
شه‌فه‌ق نيوز/ عه‌بدولخالق عه‌زاوى ئه‌ندام ليژنه‌ى ئاسايش و وه‌رگرى نوێنه‌رايه‌تى له گرنگى بڕاياره‌گه‌ى مسته‌فا كازمى سه‌رۆك وه‌زيره‌يل كه‌مه‌و كرد له‌باره‌ى دامه‌زرانن ليژنه‌يگ و دوباره‌كردنه‌وه‌ى په‌يجوورى له رويداگه‌يل تون وتيژى ك ريككه‌فت وه‌ل خوه‌ينشانداينه‌يل له وه‌ختيگه‌و ده‌س وه‌پيكردگه له وڵاته‌گه.
عه‌زاوى ئه‌را شه‌فه‌ق نيوز وت: ليژنه‌يل په‌يجوورى زويتر وه فه‌رمان عادل عه‌بدولمه‌هدى سه‌رۆك وه‌زيره‌يل وه‌رين و وه فه‌رمان محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل دامه‌زريا و ره‌سيه ئه‌نجامه‌يليگ و راپۆرته‌يلى به‌رزه‌و كريا ئه‌را هه‌ردوگ سه‌رۆكايه‌تى وه‌زيره‌يل و په‌رله‌مان له‌وه‌خت سه‌ردانيان ئه‌را مه‌يدان ته‌حرير و شماره‌يگ تر له پاريزگايه‌يل.
باس له‌وه‌يش كرد ليژنه‌ى په‌يجوورى چه‌ن رێ وشوونيگ گرته وه‌ر، له‌وانه‌يش كوشياگه‌يل له خوه‌ينشانده‌ره‌يل وه شه‌هيد پله‌ى يه‌ك دانا وه‌ل قه‌ره‌بووكردن كه‌س و كاريان و زه‌خمداره‌يل و بڕياره‌يل تر له به‌رژه‌وه‌ندى خوه‌ينشانده‌ره‌يل.
عه‌زاوى وت: ئه‌و ليژنه‌يليشه ك كازمى فه‌رمان دامه‌زراننيان دا، نازانيم كار له‌بان چه ئه‌كه‌ن ئه‌گه‌ر مه‌سه‌له‌گه زويتر په‌يجوورى له‌لى كرياس يا نه‌كرياس، ك دوياخريش هويچ چشتيگ له‌لى ناكه‌فێده‌و، وه‌ل ئه‌وه‌يشا بڕيار كازمه له‌باره‌ى دامه‌زرانن ئه‌و ليژنه‌يله وه ئه‌وه تاريف كرد ك ديد تايبه‌تيگ وه سه‌رۆك وه‌زيره‌يل له‌لى ئه‌كه‌فێده‌و.
