ياساى پاسه‌وان نيشتمانى له‌ناونى عبادى و باڵوێزه‌يل ئه‌مريكاو بريتانيا تاوتوى كريا
2015-07-01T09:41:41+00:00
له به‌ياننامه‌ى حكومه‌ت عراقى ك(شه‌فه‌ق نيوز)ئاگادارى بوى ئه‌وه ده‌ركه‌فت ك عبادى له ديدارى وه‌ل يان كوبيتش سه‌رۆك شاند كلكرياگ نه‌ته‌وه‌يل يه‌كگرتگ له عراق و ستيوارت جونز باڵوێز ئه‌مريكا له عراق و فرانك بيكه‌ر باڵوێز بريتانى له عراق بيجگه باسكردن له بار سياسى و ئاسايشى و سه‌ركه‌فتنه‌يل له‌بان چه‌ته‌يل داعش باس له بته‌وكردن دووسى نيشتمانى و به‌رنامه‌ى حكومى و ياساى پاسه‌وان نيشتمانى و هه‌وڵ حكومه‌تيش كردگه له جيوه‌جيكردن خاسسازيه‌يل.
به‌ياننامه‌گه يه‌يش ده‌رخست ك حكومه‌ت پابه‌نده وه به‌رنامه‌يل خوه‌ى و خاسسازيكردن و زوورم بڕگه‌يلى له‌ماوه‌ى گوزه‌يشت جيوه‌جى كردگه‌و له‌لايه‌ن خوه‌ييشه‌و شاند ميوانيش ئاماژه وه هه‌وڵ حكومه‌ت كرد له‌باوه‌ت بته‌وكردن گامه‌يل دووسى نيشتمانى و ئه‌نجامداين خاسسازى له‌گشت بواريگ.
ج . أ
