وەزیر دەرەوەی ئەردون رەسێدە عراق

شەفەق نیوز/ ئیمەن سەفەدی وەزیر دەروەی ئەرودن، ئمڕوو چوارشەممە، رەسیە بەغداد پایتەخت، لە سەردانیگ فەرمی ك باس پەیوەندی هەردوگلاگە کەێد.
سەفەدی لە سەردانەگەی چەویکەفێدە بەرهەم ساڵح سەرۆک کۆمار و موستەفا کازمی سەرۆک وەزیرەیل و محمد حەلبوسی سەرۆک پەڕلەمان، وکەسایەتیەیل سیاسی تر.
وهەمیش گفتوگۆ که‌ێد وەل فوئاد حسێن وەزیر دەرەوەی عراق، له‌باوه‌ت پەیوەندی هەردوگلاگە و بەرژەوەنیە هاوبەشەگان و ته‌قالایه‌یل هەرێمی و ناودەوڵەتی دژ وە داعش، و رەوش سوریە و لیبیا و یەمەن.