وەخاکسپاردن ٧٥ مردگ وە ڤایڕۆس کۆڕۆنا لە ماوەی ٢٤ ساعەت
شەفەق نیوز/ فیرقەی جەنگاوەری ئیمام عەلی، ئمڕوو دووشەممە، ئاشکرای وه خاکسپاردن ٧٥ مردگ نوو وەپەتای کۆڕۆنا لە ٢٤ ساعەت وەرین كرد لەلایەن خۆەیوەخشەیل فیرقەگە لە قەورسان وادی سەلام نوو لە نەجەف.
عەبدلحەسەن حەیدەری، وەرپرس نووسینگەی شەهید وزەخمدارەیل لە فیرقەی جەگاوەری ئیمام عەلی، لیوای دوویەم- حەشد شەعبی، راگەیان ژمارەی مردگەیل ک وەخاکسپار کریان لە قەورسان وادی سەلام نوو، ک تەرخان کریا ئەرا وەخاکسپاردن مردگەیل پەتای کۆڕۆنا بەرزەوبوی ، وئاماژەدا لە خاکسپاردن ٧٥ مردگ نوو لە ٢٤ ساعەت وەرین.
بەیاننامەی نووسینگەی راگەیانن فیرقەگە، ک ئاژانس شەفەق نیوز وەری گرد، وت ک ئی ئامارە وەبەرزترین دانریەێد لەوەخت دەسپێشخەریەگەی شیخ تاهر خاقانی فەرماندەی فیرقەی جەنگاوری ئیمام عەلی لیوای دوویەم حەشد شەعبی، ئه‌را وە جیهاوردن کارەیل ئامادەکردن و خاکسپاردن مردگەیل وە پەتای کۆڕۆنا له لایه‌ن جه‌نگاوه‌ریل فیرقەگە ، وسەرپەرشتی راستەخۆ لەبان قەورسان وادی سەلام نوو لە نەجەف پیروز.
تووشهاتنەیل وە ڤایڕۆس کۆڕۆنا وهەمیش مردن لە عراق وەشیوەیگ سەرنجکیش لە روژەیل وەرین بەرزەوبوین، و بەیاننامەیگ ئەرا وزارەت تەندروسی وژینگە ک دویەکە یەکشەممە دەرچگ وت؛ گشت تووشهاتنەیل رەسیە ٢٠٢٠٩ كه‌س و گشت خاسەوبویەیل بویە ٨١٢١ ، وگشت خەفتگەیل له خەسەخانەگان ١١٤٨١ ، و کەسەیل ژیر چەودێری ورد ١٢٨ ، وگشت مردگەیل ٦٠٧ كه‌سن.
