ووردەکاریەیل نوویگ دەربارەی گەنجینەگەی سۆران لە هەرێم کوردستان
شەفەق نیوز/ قایمقامیەت سۆران لە پارێزگای هەولێر پایتەخت هەرێم کوردستان، ئمڕوو دووشەممە، راگەیان ووردەکاریەیل نوویگ دەربارەی ئەو گەنجینە ک لەی دویاییە پەیا کریا، و باس دروسکردن دەسەیگ تایبەت ئەرا ئی باوەتە کرد.
قایمقامیەت سۆران لە روونکردنەوەیگ رەسیە ئاژانس شەفەق نیوز وت: هاوڵاتییگ لە یەکیگ لە ئاوایەیل ناحیەی خەلیفان ٢٠٤ پارچەی تەڵا پەیا کرد، و داگەی دەس ئەنجومەن ئاسایش هەرێم کوردستان، و دیاری کرد ک لە شوین ئەوە وەبڕیاریگ لە وەزیر ناوخۆ و ئەنجومەن ئاسایش هەرێم، دەسەیگ لە قایمقام سۆران و نوێنەر لە ئاسایش و پۆلیس و وەڕێۆبەرایەتی ئاسەواری لە شارەگە ئەرا بندروس ئی باوەتە دروس کریا.
و دیاری کرد ک لە سەردانیگ مەیدانی لەلایەن دەسەگە ئەرا شوین پەیاکردنەگە، ٤٦٨ پارچەی تر پەیا کریا، و گشتی دریا دەس وەڕێۆبەرایەتی ئاسەواری سۆران ، و ئیسە تۆێژینەوە لەبانی کەن.
