وه كاره‌ساتيگ دڵته‌زن له كه‌ركوك جايه‌ڵيگ و مناڵيگ گيان له‌ده‌سدان
2020-06-17T20:38:12+00:00
شه‌فه‌ق نيوز/ سه‌رچه‌وه‌يگ له پۆليس فرياكه‌فتن كه‌ركوك، ئاشكراى خنكيان جايه‌ڵيگ كرد له باشوور خوه‌رئاوايى پاريزگاگه‌و ئاگادارييش دا له‌باره‌ى خنكيان مناڵيگيش له ئاو وه‌ربه‌س"شيرين"وه‌بى دوينستنه‌وه‌ى ته‌رمه‌گه‌ى.
ئه‌و سه‌رچه‌وه ئه‌را ئاژانس شه‌فه‌ق نيوز، وت: جايه‌ڵيگ 19 ساڵان له‌وه‌خت سناوكردن له ده‌رياچه‌يگ له ناحيه‌ى مه‌لا عه‌بدوڵڵا له باشوور خوه‌رئاواى كه‌ركوك خنكياگه، باس له‌وه‌يش كرد هيز فرياكه‌فتن كه‌ركوك ته‌رمه‌گه‌ى دينه‌سه‌وه‌و جيوازى كردنه ئه‌را ده‌زگاى دادوه‌رى پزيشكى.
سه‌رچه‌وه‌گه ئاماژه وه‌يه‌يش كرد مناڵيگ 12 ساڵان له وه‌ربه‌س شيرين له ناحيه‌ى له‌يلان له كه‌ركوك خنكياگه‌و مه‌فره‌زه‌يل بنئاوگه‌رده‌يل تائيسه ته‌رمه‌گه‌ى نه‌ينه‌سه‌وه.
