وه‌زير وه‌رگرى رينمايى ئاڵشتكردن پلانه‌يل دژ وه داعش دا
شه‌فه‌ق نيوز/ جومعه عناد سه‌عدون جبورى وه‌زير وه‌رگرى، رينمايى دا ئه‌را ئاڵشتكردن پلان و ته‌كتيكه‌يل دژ وه ريكخرياگ تيرۆريستى داعش له‌ڕێ داناين كه‌مين و جيوه‌جيكردن پرووسه‌يل ئه‌نى دژ وه‌و ريكخرياگ تيرۆريستييه.
وه‌زاره‌ته‌گه له به‌ياننامه‌يگ ئه‌را ئاژانس شه‌فه‌ق نيوز وت: جومعه عناد وه‌زير سه‌رۆكايه‌تى كۆنگره‌يگ كردگه ك له‌باره‌گاى وه‌زاره‌ته‌گه ئه‌نجام درياگه وه ئاماده‌بوين ياريده‌ده‌ر سه‌رۆك ئه‌ركان سوپا و سه‌ركرده‌يل فه‌رمانده‌يه‌يل و تيمه‌يل، ك له‌تى باس له خشته‌ى كاره‌يل بريگ له مه‌سه‌له‌يل ئه‌منى و سه‌ربازى كرياگه‌و له‌وانه‌يش كاركردن له‌بان هاوردنه‌وه‌ى هه‌يبه‌ت سوپاى عراقى و جه‌ختيش له‌بان نه‌هيشتن گه‌نده‌ڵى كردگه وه‌گشت شيوازه‌يلى.
به‌ياننامه‌گه باس له‌وه‌يش كرد جبورى فه‌رمان داگه گرنگى بدريه‌يده مه‌سه‌له‌ى خزمه‌تكردن وه جه‌نگاوه‌ره‌يل و له‌وانه‌يش نيشته‌جيكردن و رزقه‌يليان و پته‌وكردن په‌يوه‌نديه‌يل وه‌ل گشت چينه‌يل كۆمه‌ڵگا، چوينكه سه‌رچه‌وه‌يگن گرنگ ئه‌را هيز سوپا و پاڵپشتى پته‌ويگن له جه‌نگ و ئاشتى.
