وه‌زير ناوخوه‌يى شماره‌يگ له وه‌رپرسه‌يل ئه‌منى له پۆسته‌يليان دويره‌و خست
شه‌فه‌ق نيوز/ ياسين ياسرى وه‌زيرى ناوخوه‌يى عراقى فه‌رمان لاوردن هه‌ر يه‌ك له سه‌ركرده‌ى پۆليس به‌غدا وه‌ڕيه‌وبه‌ر پۆليس به‌غدا - رسافه‌و وه‌ڕيه‌وبه‌ر به‌ش پۆليس باب شێخ دا و ده‌سوه‌سه‌ركردنيان له باره‌گاى وه‌زاره‌ته‌گه.
ئى فه‌رمان وه‌زيره له ئه‌نجام هه‌يواين شماره‌يگ له گيرياگه‌يل ده‌ركريا ك تومه‌ت مادده‌يل هووشبه‌ر له‌بانيان بويه له‌و له بنگه‌ى پۆليس قه‌نات ده‌سوه‌سه‌ر كرياوێن.
ياسرى وه‌گووره‌ى به‌ياننامه‌يگ ك له‌لايه‌ن نويسينگه‌گه‌ى ده‌رچيه رينمايى ئه‌وه‌يش دا ليژنه‌يگ په‌يجورى له گه‌ورا ئه‌فسه‌ره‌يل وه‌زاره‌ته‌گه دامه‌زريه‌ێد ئه‌را ده‌رخستن هووكار هه‌يواين ئه‌و گيرياگه‌يله‌و فه‌رمان ئه‌وه‌يش درياگه گشت ئه‌و ئه‌فسه‌ر و كارمه‌نده‌يله ك له واجب بوينه له‌وه‌خت هه‌يواين ئه‌و تومه‌تباره‌يله رێ وشوون ياسايى ده‌رهه‌قيان له‌وه‌ر بگيريه‌ێد.
