وه‌زير خارجيه‌ى ئيرانى ره‌سيه به‌غدا
شه‌فه‌ق نيوز/ محه‌مه‌د جه‌واد زه‌ريف وه‌زير خارجيه‌ى ئيرانى، له سه‌ردانيگ فه‌رمى ك ماوه‌ى 3 رووژ دريژه كيشێد ره‌سيه به‌غداى پايته‌خت و له‌تى چه‌وێ ئه‌كه‌فێد هه‌رسێ سه‌رۆكايه‌تى و سه‌ركرده‌يل سياسى.
زه‌ريف گه‌شته‌گه‌ى وه ديدار محه‌مه‌د عه‌لى ئه‌لحه‌كيم هاوتا عراقيه‌گه‌ى ده‌س وه‌پى ئه‌كاو دوياى ئه‌وه‌يش چه‌وێ ئه‌كه‌فێده به‌رهه‌م ساڵح سه‌رۆك كۆمار و عادل عه‌بدولمه‌هدى سه‌رۆك ئه‌نجومه‌ن وه‌زيره‌يل و محه‌مه‌د حه‌لبوسى سه‌رۆك ئه‌نجومه‌ن نوينه‌ره‌يل، جوور ئه‌وه‌گ سه‌رچه‌وه‌يگ ئاگادار دبلۆماسى عراقى ئاماژه وه‌پيكرد.
جى باسه، سه‌رچه‌وه‌گه وت: سوو يه‌كشه‌ممه زه‌ريف چه‌وى ئه‌كه‌فێده سه‌رۆك فراكسيۆنه‌يل سياسى تا نيمه‌ڕوو و دوياى ئه‌وه‌يش سه‌ردان نه‌جه‌ف و كه‌ربه‌لا ئه‌كا، وه‌لێ ئاشكراى ئه‌وه نه‌كرياگه ك ئايا چه‌وى ئه‌كه‌فێده سه‌يد عه‌لى سيستانى مه‌رجه‌ع باڵاى ئايينى يا نه.
