وه‌زاره‌ت دارايى په‌نج هه‌زار پارچه زه‌وێ له‌بان خه‌ڵك به‌سره دابه‌ش ئه‌كا
شه‌فه‌ق نيوز/ وه‌زاره‌ت دارايى عراقى، ئاشكراى ئاماده‌كردن په‌نج هه‌زار پارچه زه‌وى كرد له‌وه‌ر دابه‌شكردنى له‌بان شايسته‌يل له خه‌ڵك به‌سره.
له‌و باوه‌ته‌و، نويسينگه‌ى ره‌سانن فوئاد حسێن وه‌زيرى دارايى له به‌ياننامه‌يگ وت: له‌وه‌ر جيوه‌جيكردن به‌رنامه حكوميه‌گه‌و زنجيره خاسسازيه‌يليگ ك له‌لايه‌ن ئه‌نجومه‌ن وه‌زيره‌يله‌و بڕيار درياگه وه رينمايى راسه‌وخۆ وه‌زير دارايى، وه‌زاره‌ته‌گه له‌ڕێ ده‌زگاى عقاره‌يل ده‌وڵه‌ت لق به‌سره‌وه ده‌سكرده‌سه ئاماده‌كردن په‌نج هه‌زار پارچه زه‌وێ له پاريزگاى به‌سره ك ئاماده‌س ئه‌را دابه‌شكردن.
به‌ياننامه‌گه يه‌يش ده‌رخست ك ئه‌و پارچه زه‌ويه‌يله ئه‌دريه‌ێده ئه‌و خيزانه‌يله ك كه‌فتنه‌سه وه‌ر ده‌سپيشخه‌رێ نيشته‌جيكردن و له شماره‌ى ٨٣/ ١ م ٢٩ باب زه‌يد ده‌س وه‌پى ئه‌كاو وه شماره ٨٣ / ٥٠٠٠ م باب زه‌يد كووتايى وه‌پى ئه‌ياد له‌وه‌ر دابه‌شكردنى وه‌گووره‌ى ئه‌و ده‌سڵاته‌يله ك وه‌پى درياگه.
