وه‌زاره‌ت داد: له هه‌یشت مانگ 2712 زندانی ئازاد كریانه، ( 125 )یان ژنن
2015-05-25T14:50:19+00:00
قسه‌كه‌ر ڕه‌سمی وه‌ناو وه‌زاره‌گه حه‌یده‌ر ئه‌لسه‌عدی وه‌ده‌ركردن به‌یاننامه‌ێگ و كل كردن كوپیێگێ ئه‌ڕا (شه‌فه‌ق نیوز) وتگه: دایره‌ێ ئسلاح عراقی سه‌ر وه وه‌زاره‌ت داد له مانگ ئه‌یلول 2014 تا نیسان 2015 (2712) زندانی ئازاد كردگه ك (125)یان ژنن ، ئه‌ویش له شوون ته‌واو كردن ماوه‌ێ مه‌حكومیه‌تیان و ده‌رچگن فه‌رمان ئازاد كردنیان.
سه‌عدی زیاتر وتگه: وه‌زیر داد حه‌یده‌ر ئه‌لزاملی فه‌رمان داسه دایره‌ێ ئسلاح عراق ك وه‌ل ده‌زگاێ قه‌زایی وڵات ، هه‌وڵ و ته‌قالاێ زیاتر بێه‌ن ئه‌ڕا ته‌واو كردن دوسیه‌ێ زندانیه‌یل و ئه‌وانه‌گ فه‌رمان ئازاد كردنیان ده‌رچگه یا بڕیار وه‌خشین گردگه‌سه‌یان یا ماوه‌ى زندان خوه‌یان ته‌واو كردنه ، هه‌رچى زوێتر ئازاد بكه‌ن.
