وه‌رگرى شارستانى ئاشكراى كوشاننه‌وه‌ى ئاگره‌يل"قه‌ره‌چۆخ"كرد له مه‌خمور
شه‌فه‌ق نيوز/ وه‌ڕيه‌وبه‌رايه‌تى وه‌رگرى شارستانى، ئاشكراى كوشاننه‌وه‌و كووتاييهاوردن وه ئاگره‌يل كويه‌ى قه‌ره‌چۆخ له مه‌خمور كرد ك وه‌ربوێ له روێ وه‌ر فريه‌يگ له ده‌خڵ و گژ وگيا.
له‌ى باوه‌ته‌و، وه‌ڕيه‌وبه‌رايه‌تيه‌گه له به‌ياننامه‌يگ ئه‌را شه‌فه‌ق نيوز وت: تيمه‌يليمان تويه‌نستنه ئه‌و ئاگه‌ره‌يل له كويه‌ى قه‌ره‌چۆخ وه ته‌واوى كۆنترۆڵ بكه‌ن وه‌بى كه‌فتنه‌وه‌ى زه‌ره‌ده‌يل گيانى و ماددى ك هه‌رچه‌نى ناوچه‌ى جه‌وه‌ڵى سه‌روليژايى و مه‌ترسى فريه‌يگيش ديرێد له ڕوێ ئه‌منييه‌و.
زويتريش سه‌رچه‌وه‌يگ وه‌رپرس ئه‌منى و شايه‌تحاڵه‌يل ئه‌را شه‌فه‌ق نيوز باس له‌وه كردن ئه‌و ئاگره‌يله له‌لايه‌ن چه‌كداره‌يل داعشه‌و ئه‌نجام درياگه‌و روێكردگه له ناوه‌ند ئاوايه‌يل گه‌ره‌سوور و پيرواد و سوان و مه‌ردم ئه‌و ناوچه‌يليشه له ڕێ به‌ڵه‌نگوو مزگفته‌يله‌و داواى يارمه‌تى كردنه ئه‌را كوشاننه‌وه‌ى.
