وه‌رپرسيگ شوون گرده‌وبوين ئه‌نجامده‌ره‌يل تاوانه‌گه‌ێ "سنه‌ك" ئاشكرا كرد
2019-12-08T09:01:55+00:00
شه‌فه‌ق نيوز/ وه‌رپرسيگ له سه‌ركردايه‌تى فه‌رمانده‌يى به‌غدا، ئاشكراى ئه‌و ڕێ و شوونه كرد ك ئه‌نجامده‌ره‌يل تاوانه‌گه‌ى سنه‌ك له‌ناوڕاس به‌غداى پايته‌خت له‌تى گرده‌و بوون.
له‌ى باوه‌ته‌و ئه‌لعه‌ره‌بى ئه‌لجديد له زووان وه‌رپرسه‌گه وت: په‌لامارده‌ره‌يل له جاده‌ى فلستينه‌و(خوه‌رهه‌ڵات به‌غدا)هاتنه‌و له‌ناو مزگفت به‌قيه‌توڵڵا ك ها وه‌ده‌س ميليشياى كه‌تيبه‌يل حزبوڵڵا گرده‌و بوينه و له ڕيه‌يليگه‌و هاتنه وه‌ره‌و نه‌هزه‌و جاده‌ى شێخ عه‌بدولقادر گه‌يلانى و روێ له مه‌يدانه‌گه كردنه وه ته‌قه‌كردن.
وه‌رپرسه‌گه هه‌ميش وت: ده‌نگ ته‌قه‌ى گوله له ناوچه‌ى سه‌وز ژنه‌فياگه ئه‌را زياتر له چاره‌كه سه‌عاتيگ و هيزه‌يل سوپا هويچ فه‌رمانيگ وه‌پيان نه‌درياگه ئه‌را ئه‌وه‌گ جموجويل بكه‌ن وه‌ره‌و مه‌يدانه‌گه.
