گولەی ویڵ ئەندازیاریگ ئیرانی لە باشوور عراق زەخمدار کەێد
2024-01-05T09:43:56+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو جمعە، خەوەردا کە ئەندازیاریگ ئیرانی وە گولەی ویڵ لە باکوور شار ناسریە زەخمدار بوی.
سەرچەوەگە ئەرا ئاژانس شەفەق نیوز وت: ئەندازیاریگ ئیرانی لەناو تەمەن چلەیل لە کۆمپانیایگ ئیرانی کار لە پڕۆژەیگ لە قەزای شەترە کەێد، مەوقەی رانین ماشینیگ، وە گولەی ویڵ لە شانی زەخمدار بوی.
سەرچەوەگە دیاری کرد کە هیزیگ ئەمنی رەسیە شوین رویداوەگە و ئەندازیارەگە ئەرا نزیکترین بنکەی تەندروسی رەسان.
