گولەی وڵ کۆتایی وەژیان زاڕوویگ تیارێد و دەسگیرکردن پەنج بازرگان مادەیل هوشبەر
شەفەق نیوز/ سەرچەوەیگ ئەمنی وەرپرس لە سەڵاحەدین، خەوەردا له دەسگیرکردن پەنج کەس ک مادەی هوشبەر وەپیان بویە لە مابەین هەرێم کوردستان و سەڵاحەدین، و گولەی وڵیگ گیان زاڕوویگ سینێد لە پارێزگاگە.
سەرچەوەگە وە ئاژانس شەفەق نیوز خەوەردا، دەزگای ئاسایش نشتمانی وە هەماهەنگی وەگەرد دەزگای ئەمنی توەنستنە 5 کەس دەسگیربکەن ک مادەی هوشبەر وەپیان بویە لە خاڵ وشکنین کفری- سلێمان بێگ لەبان رێ بەغدا- کەرکوک.
وتیش؛" ئەو کەسەیلە لە هەرێم کوردستانەو هاتوین وەرەو بەغدای پایتەخت چگنە، ولەری وەدویاچگن هەواڵگیری دەسگیرکریانە"، دووپاتکرد ئەرا لایەن لێکۆڵینەوە کلکریانە ئەرا وەرگردن رێکارەیل یاسایی.
سەرچەوەگە وتیش، " زاڕوویگ لەری زەخمداری بوینی وە گولەی وڵ چەک (BKC)یگ ک وەر سەری کەفتیە لەئەنجام تەقەکردن لە یەکیگ لە ئاهەنگەیل پلەبەرزکردنەوەی ئەفسەریگ لە ناحیەی زلوعیە لە باشوور پارێزگای سەڵاحەدین.
ئاشکەرایکرد، تەرم زاڕووەگە ئەرا پزیشک دادوەری کلکریایە دەسڵاتدارەیل ئەمنی لێکۆڵینەوە لە رویداوەگە وازکردنە و دەسکردنە وە هەڵمەت مینەکردن و وشکنین لە ئەنجامدەریل رویداوەگە.
