پولیس واست بڕیار بەسیان گشت قاوەخانەیل لە نیمەی شەو دەێد
2022-12-06T15:31:23+00:00
شەفەق نیوز/ فەرماندەیی پولیس واست، بڕیار بەسیان گشت قاوەخانە و کافێەیل لە نیمەی شەو دا، ئەرا مقەیتیکردن گەنجەیل.
فەرماندەییەگە لە بەیاننامەیگ رەسیە ئاژانس شەفەق نیوز وت: لەوەر ئەو داوایل فرە ک وەلایەن هاووڵاتییەیل و کەسوکارەیل خوەنەوارەیل وەپیمان رەسن، لەبان ئەو گرفتەیلە ک لەناو چایخانە و قاوەخانەیل بوود، بڕیار دریا لە ئمڕووەو لە ساعەت دوانزەی شەو دەرەیلیان بوەسن، ئەوەیش ئەرا مقەیتیکردن گەنجەیل هوشیارمان.
فەرماندەییەگە داوا لە گشت خاوەن قاوەخانەیل کرد پابەن وەو وەختە بوون، و هاوکاری وەرد دەزگا ئەمنیەیل لە پارێزگاگە بکەن، و وەپچەوانەی ئەوە سزای خاوەن قاوەخانەگە دریەێد و بەسیەێد.
جی باسە ک قاوەخانە و کافێەیل تا وەخت دیریگ لە کار مینن، و بەشیگیان تا شەفەق واز کەن.
