گولەی خوەیکوشتن پویچەڵ و پویچەڵکردن خوەیکوشتن دویەتیگ لە دوو پارێزگای عراق
2023-10-04T12:44:58+00:00
شەفەق نیوز/ دەسەڵاتەیل ئەمنی عراق، ئمڕوو چوارشەممە، خوەیکوشتن کوڕیگ لەناو گەڕەکیگ لە شار نەجەف راگەیانن، و پولیس شار حلە، دویەتیگ لە تەقەلای خوەیکوشتن رزگار کرد.
سەرچەوەیگ ئەمنی ئەرا ئاژانس شەفەق نیوز وت: کوڕیگ لە تەمەن ١٣ ساڵان هات وە دەوانچەی باوگی لەناو ماڵەگەی لە گەڕەک نیدا لە ناوڕاس شار نەجەف خوەی بکوشێد.
سەرچەوەگە دیاری کرد کە کوڕەگە وەگولە داد لە سەر خوەی، وەلێ گیانی لەدەس نەیا، و ئەرا خەسەخانە بریا.
وتیش: دەزگایل ئەمنی لێکۆڵینەوە ئەرا رەسین وە بندروس رویداوەگە واز کردن.
لە بابل، پولیس راگەیان کە دویەتیگ لە تەمەن ١٧ ساڵان لە تەقەلای خوەیکوشتن رزگار کریا، کە خوەی خستە ناو جوو ئاویگ لە ناحیەی نیل باکوور شار حلە، ئەوەیش لەوەر گرفتەیلیگ خیزانی، و لە خنکیان رزگار کریا.
پولیس لە بەیاننامەیگ رەسیە ئاژانس شەفەق نیوز وت: رزگارکردنی وە تەقەلای یەکیگ لە ئەفسەرەیل بنکەی پولیس نیل بوی، کە خوەی خستە ناو جووەگە، و دویەتەگە رزگار کرد.
