کوشتن ئەندامەیلیگ لە داعش سەرکردەی گەورایگ هالە ناویان

کوشتن ئەندامەیلیگ لە داعش سەرکردەی گەورایگ هالە ناویان
2021-01-30T11:13:16+00:00

شەفەق نیوز/ لیوا یەحیا رەسول قسەکەر وەناو فەرماندەی گشتی هێزە چەکدارەگان، ئمڕوو شەممە، راگەیان کوشتن ئەندامەیلیگ لە ریخریاگ داعش و رمانن دیوەخانەیلیان لە باشوور پارێزگای کەرکوک، هەمیش هێزە ئەمنیەگان سەرکردەی گەورایگ لە ریخریایەگە لە بیاوان ئەنبار کوشتن.

رەسول لە بەیاننامەیگ رەسیە ئاژانس شەفەق نیوز وت: هێزیگ لە فیرقەی قەڵغانی نۆوەم لە سوپای عراق، لە ئۆپراسیۆن وەشکین لە دووڵ چای لە قەزای داقوق، کەفتە رویوەڕوین وەگەرد ئەندامەیل داعش، و دووپات کرد ک هێزەگە ژماریگ لە داعشەگان کوشت و دەسنا بان چەکەیلیان.

وتیش؛ هێزەگە دیوەخانەیلیگ  و ماشینەیلیگ تەقەمەنی کریاگ سەروە ریخریایەگە پەیا کرد، ولە شوون خوەیان تەقانەیانەو.

لە چینیگ هاوشیوە؛ لیوا روکن ناسر غەنام فەرماندەی ئۆپراسیۆنەگان ئەنبار لە بەیاننامەیگ رەسیە ئاژانس شەفەق نیوز راگەیان هێزیگ لە فیرقەی یەکەم لە سوپا، توێنست دوو خوەیکوش لە ئەندامەیل داعش ک پشتن خوەیتەقانن بەساوین، لەناوچەی فیزە غزلان لە بیاوان روتبە بکوشێد.

غەنام ئاماژە کرد ک یەکیگ لە خوەیکوشەگان وەرپرس سەربازی بیاوان روتبە لە ریخریایەگە بویە، وەناو موسەنا شەتران مەرعاوی، وتیش؛ هیمان هێزەگان لە ئۆپراسیۆنە سەربازیەگە وەردەوامە.

Shafaq Live
Shafaq Live