کوشتن داعشیگ و گردن سێیان تر لەناویان سپۆنسەرکەر سەرەکی ریخریایەگە لە دیالە

شەفەق نیوز/ وەزارت ناوخۆ، ئمڕوو شەممە، راگەیان کوشتن خوەیکوشیگ و دەسگیرکردن سێیان لە ئەندامەیل داعش، یەکیگیان سپۆنسەرکەر سەرەکیە ئەرا ریخریایەگە لە پارێزگای دیالە.

وەزارەتەگە لەبەیانامەیگ رەسیە ئاژانس شەفەق نیوز وت: مەفرەزیل هەواڵگری دیالە، ئۆپراسیۆن جیوازیگ دژوە دیوەخانەیل داعش لە ناوچەی زۆر خانەقین جیوەجی کردن، و خوەیکوشیگ گیر هاوردن پشتین تەقینەوەییگ بەساوید، و کوشتنەی.

وتیش؛ سێ ئەندام لە داعش دەسگیر کریان، پلان ئەرا کارەیلیگ تاوانی دژوە هاووڵاتییەگان و هێزە ئەمنیەگان دانیان، یەکیگیان سپۆنسەرکەر سەرەکی ئەرا شانەیل داعش لە ناوچەی باهیزە بوی، و ئاماژە کرد ک ریکارە یاساییەگان وەدژیان بریان، و بەندید کریان تا بخریەنە دادوەری ئەرا دادکردنیان.