کوشیان کوڕ وەرپرسیگ حکومەتی وە رویداویگ هاتوچو لە دیالە
2022-10-18T11:58:46+00:00
شەفەق نیوز/ سەرچەوەیگ ئەمنی لە دیالە، ئمڕوو سێشەممە، خەوەردا لە کوشیان کوڕ وەڕیەوبەر شارەوانی موقدادیە وەرویداویگ هاتوچو لە باکوور خوەرهەڵات پارێزگاگە.
سەرچەوەگە ئەرا ئاژانس شەفەق نیوز وت: کوڕ خالد بوتی وەڕیەوبەر شارەوانی موقدادیە وە پلیان ماشینەگەی لەبان ری بەعقوبە-موقدادیە گیانی لەدەسدا.
سەرچەوەگە وتیش تەرم قوربانیەگە ئەرا فەرمانگەی پزشک دادوەری لە بەعقوبە بڕیا، و دەسەڵاتەیل هاتوچو لێکۆڵینەوە لە رویداوەگە واز کردن.
