کوشیان و زەخمداری وە پەلامارداین وە نارنجەک وە مدوو ناکۆکی هووزانە لە خوەرهەڵات بەغدا
2024-01-17T09:12:44+00:00
شەفەق نیوز/ سەرچەوەیگ ئەمنی لە بەغدا، ئمڕوو چوارشەممە، خەوەردا لە کوشیان کەسیگ و زەخمداری سێکەس وە فرەداین لەری نارنجەکیگ ئەرا ناو ماڵیگ لە خ،ەرهەڵات پایتەخت.
سەرچەوەگە وە ئاژانس شەفەق نیوز وت، "کەسەیل نەناسریایگ بۆمبیگ دەسی ئەرا ناو ماڵیگ فرەدانە لە ناوچەی حەمیدیە خوەرهەڵات بەغدا کەفتیەس ناوەین دوو ماڵ لە ئەنجام کەسیگ کوشیایە و سێ کەسیش زەخمداران".
وتیش "هێزەیل ئەمنی رەسینەس شوین رویداوەگە تەرمەگە ئەرا پزیشک دادوەری کلکردنە و زەخمدارەیلەش ئەرا نزیکترین خەسخانە تا چارەسەر وەربگرن"دیاریکرد"زانیاریەیل دیاریکەن رویداوەگە وە مدوو گرفت هووزانە بویە".
