کوشیان و زەخمداری وە پەلاماریگ داعش لە نەینەوا
2023-05-11T10:39:24+00:00
شەفەق نیوز/ سەرچەوەیگ ئەمنی لە نەینەوا، ئمڕوو پەنجشەممە، خەوەردا لە کوشیان کشاوەرزەیگ و ئەندامیگ لە حەشد شەعبی، و زەخمداری سەرکردەیگ لە حەشد شەعبی لە ئەنجام پەلاماریگ وەلایەن ئەندامەیل ریخریاگ داعش لە باشوور خوەرھەڵات پارێزگاگە.
سەرچەوەیگ ئەمنی ئەرا ئاژانس شەفەق نیوز وت: ئەندامەیل داعش پەلامار خاڵیگ ئەمنی نزیک ئاوای شنف لە خاوی نەمرود باشوور خوەرھەڵات نەینەوا دان، ک بویە هوکار کوشیان کشاوەرزەیگ و ئەندامیگ حەشد شەعبی و زەخمداری فەرماندەی سریەیگ لە حەشد شەعبی.
سەرچەوەگە دیاری کرد ک هیزیگ ئەمنی وە پاڵپشتی هوەزیل وەگەرد حەشد شەعبی ئەندامەیل داعش لە حاوی گیر هوردن، وەگورەی زانیاریەیل چوار کەس بوینە، وتیش؛ تەرم کوشیاگەیل هەڵگردن، و زەخمدارەیل ئەرا خەسەخانە بریان.
